Djöfull elska ég vinnuna mína! Hún er ábyggilega sú léttasta í heimi! og líka skemmtileg! jaa oftast! Í dag til dæmis var ég að vinna frá 4 til 7 og það kom ENGINN krakki í barnagæsluna! ekki einn einastii!! Í gær var ég að vinna í barnagæslunni í Baðhúsinu frá 4 til 8 og það komu tveir krakkar á svipuðum tíma og voru rúmlega klukkutíma. Eftir það var ég bara að chilla og horfa á teiknimyndir. Í vinnunni áðan stútaði ég heilum tveim nýjustu séð og heyrt blöðunum, kláraði Ísfólksbókina sem ég var að lesa og horfði á byrjunina á harry potter og leyniklefinn.. Það er yndislegt að fá borgað fyrir að liggja í sófa, lesa slúðurblöð og horfa á myndir

Allavega þá er planið í kvöld fyllerííí, það byrjaði í gær þegar ég fór á bjórkvöld sem var nú bara alveg ágætt en í kvöld ætlum við Snæja að skellá okkur á basshunter!!!! bwahahaha I know! En okkur langar báðar að sjá bróðir Snæju Dj Exos þeyta skífum en hann verður á svæðinu með eitthvað brjálað techno þetta byrjar ekki fyrren 12 þannig ég ætla að finna mér eitthvað fun að gera þangað til og það verður helst að innihalda áfengi.

Á morgun verður pottþétt djamm líka og allir vita að síðasti dagur ársins er á sunnudag. Árið 2006 verður sko aldeilis kvatt með drykkju, látum og djammi sem og verður tekið á móti 2007 með því sama. Það er ekki enn alveg ákveðið hvort verður farið á Nasa eða Broadway um áramótin en það verður allavega farið í partý fyrst vonandi, sturtað í sig og svo farið í bæinn. Er meira að segja að hugsa um að kaupa nokkrar svakalegar sprengjur til að halda uppá að þessu blessaða ári sé looksins lokið!

Jæja nú er ég allavega búin að blogga! Ætla að fara að gera mig vibba sexý fyrir kvöldið sýjú beibís!

-kv HófýSexý

Jæja þá er kominn aðfangadagur og maður búinn að éta sig sadda og opna pakkaflóðið! Þetta urðu nú bara alls ekkert glötuð jól. Ég komst loksins í smá jólaskap í dag þegar ég var að keyra út pakkana með jólasveinahúfu og syngja með jólalögunum á FM Svo toppaði það daginn að koma við í kirkjugarðinum á leið heim og heilsaði upp á ömmu, setti kerti á leiðið hennar og óskaði henni gleðilegra jóla Mér finnst bara ekki komin jól nema ég hafi farið í garðinn og sett kerti á leiðin hjá ömmum og öfum. Við fjölskyldan höfum alltaf gert það en nú ákváðu mamma og pabbi að gera það frekar á morgun því pabbi var eitthvað slæmur í morgun.. ég fór þá bara ein. Ekki hægt að að skilja ömmu útundan á sjálfan aðfangadag!

En ég fékk margt fallegt í jólagjöf! Syrtitösku með fullt af snyrtidóti, úr og saumavél frá mömmu og pabba, snafsasett sem hægt er að fara í myllu með, clueless, eyrnalokka, boli, hárdót, spariskó, rúmföt, sokkabuxur, veggskraut, bók Hugleiks eineygði kötturinn kisi hnakkarnir sem er btw snilld! og sælgæti Nú fer maður bara að hanna sína eigin fatalínu úr gömlu fötunum, éta nammi og drekka snafsa.. mmmh ég elska jólin!

Svo eru það bara áramótin eftir viku! Ég get ekki beeeðið eftir að þessu ári ljúki! ætla sko að fagna árslokunum RÆKILEGA og bjóða nýja árið hjartanlega velkomið! Valið stendur aðallega um að fara á nasa eða broadway en ég get ómögulega ákveðið hvorn staðinn ég vil fara á.. að sjálfsögðu verður eitthvað partýstand fyrst, vonandi bekkjarparty en annars bara tjútt með stelpunum! Það verður æði!

Jæja nú ætla ég að fara að horfa á Clueless

Gleðileg jól elskurnar mínar, nótið þeirra vel og hafið það sem allra allra best yfir hátíðirnar!! ;***

Kv Hófý litla jólabarn:*

vá.. ég held að þetta verði hálfglötuð jól!.. í fyrsta lagi er ég ekki í neinu einasta jólaskapi og býst varla við því að það banki upp á á næstunni, ekki búin að kaupa jólagjafirnar og svo er blessaði veðurkóngurinn eitthvað að refsa okkur núna. Það er bara allt að fara til fjandans! flóð útum allt land, fólk og dýr í hættu, aurskriður og stormar! Ætli þetta séu ekki bara ragnarökin sem eru að skella á! 

Það væri reyndar bara ágætt að skola öllum þessu bandbrjáluðu og óþroskuðu mannverum úr heiminum og búa til eitthvað nýtt og betra! Fólk hagar sér sumt svo fokking asnalega að manni bara blöskrar! Börnin eru farin að hafa vit fyrir fullorðnum! Ég frétti um daginn að börn í einhverju landi hefðu safnast saman til að mótmæla háttalaginu hjá þessum fullorðnu heimskingjum sem halda samt að þeir séu bestir og viti allt í heiminum.

Einsog vitleysingurinn Bush sem er nú bara mesta fífl sem uppi hefur verið!! Shit hvað ég verð reið að hugsa til þess hvað þessir menn sem hafa mestu völdin kunna bara ekki að haga sér og eru svo virkilega heimskir!! Það er einsog að með meiri tækni og þekkingu verði fólkið heimskari og heimskari... eða bara alltof óþroskað til að höndla svona mikla þekkingu og hreinlega fríki út. Ég skil bara hvorki upp né niður í þessu. Vildi óska að fólk væri ekki svona ógeðslega tillitslaust og glatað og óþroskað!

Er ekki að segja samt að ég sé eitthvað betri en aðrir því það er ég alls ekki. Auðvitað er til fullt af fólki sem lætur sér annt um annað en rassgatið á sjálfum sér og reynir að berjast fyrir betri heimi en alltof margir og þá sérstaklega stjórnmálamenn og ráðamenn sem gjörsamlega hafa ekki shit vit í sínum heimsku hausum og kunna engan veginn að stjórna einu eða neinu! það er kannski ekki skrýtið þar sem fólk í háum stöðum eru venjulega karlkyns og það hefur margsýnt sig og sannað að karlar eru og verða hálfvitar!.. Shit hvað ég er búin að missa álitið á þessum heimi! Það er sko sannarlega satt sem sagt er: Fólk er fífl!!

-Hófý bitra kveður!

Já Steingerður mín.. mjög awestruck hjá þér..

En hvað haldiði ekki bara að ég sé komin í þetta líka rosalega heilsuprógram! Við Anita erum allavega búnar að fara bæði í gær og í dag í sund og ekki bara til að hanga í pottunum og horfa á sætu súkkulöðin heldur til að synda!.. Manni líður svo þvílíkt vel á eftir og finnst maður vera svona 20 kílóum léttari

Ásamt sundinu er ég líka búin að vera dugleg í slenderinu og ræktinni og stunda ljósabekkina nú grimmt einsog hver annar tappi og líkar það bara nokkuð vel Ætla sko að losna við alla umfram fitu fyrir jól!

Markmiðið er nebbla að breyta mér í hina verstu hnakkamellu með sólbrún brjóstin að springa útúr bolnum og rass sem glittar í undan ofurstuttu pilsinu!...

haha nee varla Ég er nú einungis að gera þetta fyrir sjálfa mig.. ekki til að vera boðin innganga í rúntfélag smápíkuhnakkanna á Imprezunum.. .. haha no affense elskurnar ef þið sjálf tilheyrið þeirri klíku ....  þið þroskast uppúr þessu einn daginn

Svo er það bara djammm næstu helgi!! Get ekki beeðið!! Dönsku próf á morgun og Íslenska á föstudag og svo erum við laus!! Þá er baara gaman eftir! nema kannski að sækja einkunnirnar... en það verður geggjað um helgina!!

Jólaball Kvennó nálgast einnig óðfluga og ég hlakka voða til!! fór ekki í fyrra þannig þetta er í fyrsta skipti sem ég fer á jólaball í kvennó.. vonandi stendur það undir væntingum

Ég nenni ekki meiru í bili, gangi öllum vel að læra og sjáumst bleendfull á djamminu um helgina..

 

Tilvonandi hnakkamella..? 

-HófýSlender

Jæja kæru hálsar..hér með segji ég ykkur öllum með minni mestu hreinskilni að enskan eftir 203 er alls ekkert skemmtileg. Bara orðaforði og sá orðaforði er vægast sagt gagnslaus, orð eins og prone, awestruck, hoofprint og þannig lagað og er þetta aðeins brot af broti af því sem þið megið búast við í ensku 303.. góða skemmtun En ég ákvað að láta til mín taka á þessari 100. síðu hófýjar en ég hef bara ekki orð að segja. Þannig góða skemmtun að læra fyrir prófin ykkar aular! Ég ef það ekki að það er alveg awestruck gaman að læra.. -Hilsen Dummkopf.

Jæja allar íslenskar stelpur.. þá er það komið á hreint!

Ég er búin að finna svarið við spurningunni sem brennur á vörum ykkar dag eftir dag!!

Spurningunni um hvort hinn fullkomni strákur sé til og hvar hann sé að finna?

Og svarið er:.. Því miður.. hann er ekki til á Íslandi!

Ég get ímyndað mér angistina sem fyllir hjarta ykkar á þessari örlagaríku stund en þetta er bitur sannleikurinn!

Hvernig veit ég það?

Jú ég fór á google.com, klikkaði á myndir og skrifaði "hinn fullkomni strákur" og það kom.. ekkert... já EKKERT upp!

Það þýðir bara eitt.. ef hann leynist einhvers staðar í hinni íslensku karlflóru þá fer hann greinilega huldu höfði því ef hann finnst ekki á netinu hvar finnst hann þá??

En ekki örvænta kæru stallsystur!

 Þegar ég skrifaði "the perfect boy"  komu upp 7.490 myndir! Það segir okkur bara það að hugsanlega er vonlaust að reyna að finna hann á Íslandi.. (eða hvað? Hvað segiði strákar??) og það eru aðeins til 7.490 eintök af honum útí hinum stóra heimi!!

Stelpur! Nú fer hver að verða síðust að næla sér í fullkominn strák!!

Drífið ykkur út og krækið ykkur í eitt stykki áður en þeir klárast!!

(Allavega er ég búin að bóka flug til Frakklands first thing in the morning, ágætt að byrja þar, strákar sem tala frönsku eru svo fokking hot...)

Þessir voru meðal the perfect boys sem upp komu!

Grrh sexy beasts! GO GET EM GÖRLS!!

Bonne soirée, nous concombres!!

Kv. Strákaskelfirinn

P.S. Tek við þakkarbréfum milli 6 og 8 annað kvöld fyrir þær sem vilja þakka mér þessi skilaboð og.. það var lítið!!

Sæl lömbin mín!

Ég var búin að skrifa skemmtilegt og fallegt blogg hérna en ýtti svo óvart á helvítis strokút takkann og það bara kom upp síðan sem ég var á á undan þessari!

En þá er bara að byrja aftur.. Ég ætlaði að skella inn hérna stjörnuspá sem ég fékk senda á e-mailið í dag. Fæ alltaf svona daglega því ég skráði mig í einhvern fjandans klúbb fyrir löngu..

Mér finnst samt sumt í svona persónustjörnuspám alls ekkert passa hvað mig varðar! Stendur alltaf að steingeitin sé jarðbundin og  íhaldssöm! Ég sem er alltaf svo sky high, draumóramanneskja með eindæmum og frjálslynd í alla stað!!

anyways langaði bara að skella henni hérna inn því mér leist eithvað svo vel á hana og ég vil trúa því statt og stöðugt að hún rætist... gæfan má nú aveg fara að súast mér í hag í sumum málum!

Capricorn (Dec 22 - Jan 19)

Your normally down-to-earth approach to life now takes a back seat to a more expansive and optimistic view. Pay attention to your daydreams, as they play an important role in these weeks ahead. If you stay clear in purpose and open in heart, you stand a strong chance of getting what you seek, even if it doesn't happen right away.

 

Omg spennó pennó!! Nú bara bíða og sjá hvort ég fái það sem leynist í dagdraumur mínum.. tíhíhi híhíhíí híh...................eeh

 

Meðfylgjandi myndir sýna svo fjölhæfni steingeita!

 

 

 

Hetjusteingeitin

 

 

Reiða steingeitin

 

 

Hafmeyjusteingeitin

 

 

Fræðilega steingeitin

 

og að lokum, (mitt persónulega uppáhald):

 

Dónasteingeitin...  wrarr

 

 

adios mi amigos

 

 

-HófýSteingeit.. semhugsanlegaleiðistofmikið!

hey einhver sem býður sig fram í að útbúa flottann banner á þessa flottu síðu???

anyone??

nei..?

jæja þá..

Stelpur kommon gera eitthvað líka ef þið ætlið að vera með!

Djöfull hef ég enga einbeitingu! Er billjón sinnum búin að líta á frönskubókina og lesa eina setningu og þá dett ég út:8... plís ekki láta mig verða eina sem fellur!! hvað varð um metnaðarleysið??

sacré bleu!

-Hofe

Ný bullandi heit skoðanakönnun!!

þetta kallar maður alvöru orgíu....

-Hófý

Vá hvað ég ar dugleg í dag! Fór í fyrsta slendertone tímann í morgun klukkan 11, þetta eru btw svona blöðkur sem eru settar á líkamann og svo fær maður straum í gegnum það!!!! já geri mér grein fyrir hvað það hljómar illa en þetta er ekki sem verst samt.. svona smá titringur bara og maður ræður hversu mikilll!.. þeetta hljómar betur!

Allavega svo fór ég í ljós og var svo klukkutíma í ræktinni eftir það! Ég ætla sko að taka þetta með trompi! Maður verður að halda sér við sjáiði til. Verst bara hvað það var lítið um súkkulaðistráka til að horfa á en þegar það fréttist að ég sé mætt í ræktina í þrönga æfingagallanum koma þeir ábyggilega í röðum að æfa.. smáá egódjókur!

Eftir þessa heilsuklukkutíma fór ég ég svo bara heim að "læra" endaði í tölvunni í einn og hálfan tíma og þurfti svo uppí baðhús að vinna fyrir Birnu en hún vann fyrir mig í Sporthúsinu á föstudag svo það var agætt Það er líka svo gaman í barnagæslunni í Baðhúsinu! Þvílíkt jólalegt og kósý. Svo komu fullt af krökkum og mikil læti og þau fóru að kasta í mig boltum! En þar sem ég er svo skemmtileg kastaði ég bara í þau á móti þá réðust þau öll á mig bandóð og upp kom smá slagur Samt allt i gamni gert og það var mikið hlegið, elska þessi krútt!

Núna þarf ég hins vegar að fara að æfa Czardasinn svo ég spili hann fullkomlega í kirkjunni á laugardag og fólk taki andköf af ánægju! Maður má nú láta sig dreyma

Veriði sæl í bili

Ég vil byrja á að þakka Hórfríði fyrir hlý orð í minn garð, takk takk. Annars já, ég gerði rosa flott blogg um kaffi í nótt sem eyddist. Þá fór ég í fýlu við blog.central.is en sárin eru að gróa. Bloggið fjallið beisiklí um fyrstu kynni mín af kaffi. Já ég veit kæru lesendur, líf mitt er stundum of spennandi til að vera satt.

Ég er emotionally unavailable fyrir blogg...því vil ég tjá tilfinningar mínar í myndum...

 ---Hófý eftir "átakið"...?

Amen

Sæl kæru vinir eða hver sem þið eruð.

Jæja nú er mínu fyrsta jólaprófi lokiðog var það einsog dæma má bloggið fyrir neðan náttúrufræði próf. Það gekk bara hreint ekki svo illa skal ég segja ykkur! Meira að segja bara nokkuð vel miðað við hversu "vel" ég var búin að læra fyrir það. Það sýnir að sjálfsögðu að ég hef bara innbyggða snilligáfu!!

Hins vegar var ég rétt í þessu að koma frá jólatónleikum þar sem ég var að spila á fiðluna og ég er að segja ykkur það, það var 9 ára stelpa þarna sem spilaði sitt lag betur heldur en ég spilaði mitt!! Reyndar var þessi stelpa óógeðslega góð miðað við aldur, undrabarn held ég bara satt best að segja!

En aftur að mér. Ég semsagt varð fyrir virkilegum vonbrigðum með sjálfa mig því ég spilaði þetta svo flott hérna heima Ég er að æfa mjög frægan koncert sem heitir Czardas eftir V. Monti og kannski einhverjir kannast við en hann er alveg utrolig flottur og töff í alla staði! Málið er bara það að ég þarf að æfa betur með harmonikkuleikaranum sem spilaði undir hjá mér en þessari lélegu frammistöðu af minni hálfu vil ég því kenna að við fengum engan veginn nægan tíma til að æfa saman!

En alltaf má bæta sig og fram að tónleikunum sem verða í kirkjunni á laugardag ætla ég að læsa mig inní herbergi, borða ekki neitt nema hrökkbrauð og vatn og spila Czardas einsog óð kona þangað til nágrannarnir hringja á lögguna vegna svefnleysis. Ég er nefnilega orðin drullugóð í að spila hann, vandamálið er bara hræðileg kunnátta mín í að telja og á ég mjög erfitt með að spila í réttum takti og sinka mig inná taktinn sem harmonikkan gefur mér

Hins vegar er ég mjög vongóð um að ég standi mig frábærlega á kirkjutónleikunum því að eftir þessa frammistöðu er ég búin að sleikja botninn og þá liggur leiðin aðeins upp á við Hérna fyrir neðan er linkur að myndbandi á YouTube með manni sem er að spila Czardas, reyndar er hægt að spila þetta lag á marga vegu og þetta er bara ein útgáfan.. ekki sú besta finnst mér. En það skemmir ekki fyrir að drengurinn er hálfnakinn

http://www.youtube.com/watch?v=4UqEOy7FpBE

Jæja nóg um fiðluspil. Ég vil einnig koma því á framfæri að ég eftir að ég hafði tekið prófið og látið virkja kortið mitt aftur í bankanum... já ég nefnilega gleymdi því í hraðbanka á laugardag, annað skiptið sem það gerist í einmitt þessum hraðbanka! Tilviljun? en ég fattaði það svo ekki fyrren á sunnudag, panikkeraði því ég var nýbúin að fá útborgað og lét loka því, svo beið það eftir mér voða stillt í KB banka þar sem hraðbankinn var og ég þurfti að gera mér ferð í landsbankann til að láta opna það aftur kjáninn ég!

En semsagt eftir það þá fór ég upp í Sporthús eða nánar tiltekið Smárasól og keypti mér 5 tíma kort í slendertone það er eitthvað svona dótarí sem er sett á líkamann og á að brjóta niður fitu, styrkja vöða og stinna og bæta og svoleiðis, svo ætla ég að vera geggjó dugleg að fara í ræktina með þessu og þið megið búast við Hófý OFURBEIBI eftir áramót hvorki meira né minna!

Tjah ekki það að ég þurfi nauðsynlega á þessu að halda en það má nú alltaf stinna og styrkja og bæta.. Kortið kostaði litlar 6500 en ég var samt að spá í að breyta því í tilboðskort sem kostar 12500 en þá fær maður 10 slender tíma plús 10 tíma ljósakort sem samtals ætti að kosta 21500 kjeell! Hugsið ykkur hvað ég fæ mikið fyrir lítið! Brúnni, stæltari, stinnari og flottari kropp fyrir aðeins 12500 kall! Það kalla ég góð kaup!!

Anyways þetta er komið gott! 

  <---- ég eftir slendertone-ið

-Hófý fiðlumódel.

djöfullinn djöfullinn djöfullinn andskotans djöfullinn!!

náttúrufræðipróf!!

huh?

OK ég er búin að vera með síðuna í 5 sek og aðdáendabréfin flykkjast að úr öllum áttum! Nú þegar er strax kominn nýr pubelle meðlimur en það er engin önnur er krakkhóran Steingerður sem er samt engin krakkhóra! Hún ætlar að halda þessari bestu síðu ever uppi ásamt mér og líst mér bara vel á þetta samstarf okkar! Við stefnum að sjálfsögðu að heimsyfirráðum!

Það held ég nú

sælar